იმ ობიექტების განთავსება, რომელთა აბსოლუტური სიმაღლეები აღემატება აეროდრომის დაცვის არეზე დატანილ სიმაღლეებს, საჭიროა შეთანხმებულ იქნას სააგენტოსთან.

აეროდრომის დაცვის არის ფარგლებში ობიექტის სიმაღლის შეთანხმების პროცესში, სააგენტოში ან უწყების ელ. მისამართზე (office@gcaa.ge) ოფიციალური კორესპონდენციის სახით წარმოდგენილ უნდა იქნას:

• განცხადება მშენებლობის-ნაგებობების განთავსების შეთანხმებაზე;

გთხოვთ გაითვალისწინოთ, რომ განცხადება წარმოდგენილ უნდა იქნას მფლობელის ან შესაბამისი ნდობით აღჭურვილი პირის მიერ.

• ასაშენებელი ობიექტის გეოგრაფიული კოორდინატები WGS-84 სისტემაში;

მაგალითად: ობიექტის კონფიგურაციის (კუთხეების) კოორდინატები გრძედებში და განედებში –  41°40'7.38″N; 44°57'5.79″E და მართკუთხა კოორდინატთა სისტემაში:  X – 495970.76; Y – 4612995.35

• ასაშენებელი ობიექტის მაქსიმალური სიმაღლე;

შენიშვნა: ობიექტის სიმაღლე საპროექტო 0-დან.

• ობიექტის სამშენებლო მოედნის შემაღლება საშუალო ზღვის დონიდან (MSL), EGM 96 სისტემაში;
• შენობა-ნაგებობის მშენებლობის პერიოდში გამოყენებული მოწყობილობების/ მექანიზმების სიმაღლეები და სამუშაო არეალი (სამშენებლო ამწე-მექანიზმი და სხვა);

მაგალითად: ამწე მექანიზმის განთავსების ადგილის კოორდინატები, სიმაღლე და მისი ბრუნვის არეალი (რადიუსი).

• სამშენებლო მოედანთან ახლოს მდებარე ყველაზე მაღალი ობიექტ(ებ)ის შესახებ ინფორმაცია (კოორდინატები და შემაღლება/სიმაღლე – შესაბამის ფორმატში), ასეთის არსებობის შემთხვევაში;

შენიშვნა: აღნიშნული ინფორმაცის წარმოდგენა საჭიროა იმ შემთხვევაში, თუ ასაშენებელი ობიექტის სიმაღლე სცდება აეროდრომის დაცვის არის შემზღუდველ ზედაპირს და გაანგარიშება უნდა განხორციელდეს უკვე არსებული დაბრკოლებიდან დაჩრდილვის მეთოდის გამოყენებით.

• სქემატური ნახაზი, სიტუაციური გეგმა მასშტაბების მითითებით.

სიმაღლის შეთანხმების პროცესში, ობიექტის დასაშვები სიმაღლის დადგენის მიზნით, სააგენტოს მიერ შესაძლებელია მოთხოვნილ იქნეს დამატებითი ინფორმაცია.

ზემოაღნიშნული ინფორმაცია შესრულებულ და დამოწმებულ უნდა იქნას შესაბამისი კომპეტენციის მქონე პირის (ამზომველის) მიერ.