GEO    
ENG


  • ევროკავშირი-საქართველოს მაღალი დონის დიალოგის პირველი სხდომა ჩატარდა
  • ჰოლოლეი - საქართველო ნამდვილად წამყვანი საავიაციო ქვეყანაა აღმოსავლეთ პარტნიორობის ქვეყნებს შორის
  • ზემსუბუქი საჰაერო ხომალდების ექსპლუატაციის წესების შემუშავების პროცესში ინდუსტრიასთან კონსულტაციები დაიწყო
  • სამოქალაქო ავიაციის სააგენტოს ლევან კარანაძე უხელმძღვანელებს
  • საქართველო-საფრანგეთის ტექნიკური თანამშრომლობის პროგრამა განახლდა
  • ICAO-ს აუდიტის ოფიციალური დასკვნის მიხედვით საქართველო რეგიონში პირველ ადგილზეა
21 თებერვალი 2019
სიახლეები

05 Jul.'18 | ევროპის საჰაერო ნავიგაციის უსაფრთხოების ორგანიზაციის პროექტის მმართველი ჯგუფის შეხვედრა საქართველოში

4 ივლისს, თბილისში „საქართველოს სამოქალაქო ავიაციის სააგენტოს ხელშეწყობის შესახებ“ EUROCONTROL-ის პროექტის  მმართველი ჯგუფის წარმომადგენლების შეხვედრა გაიმართა. შეხვედრას სააგენტოს, „საქაერონავიგაციის“ და ევროპის საჰაერო ნავიგაციის უსაფრთხოების ორგანიზაციის წარმომადგენლები ესწრებოდნენ და მის მიზანს ორ უწყებას შორის გაფორმებული შეთანხმებით გათვალისწინებული პროექტის მიმდინარეობის შეჯამება, ანალიზი და სამომავლო გეგმების განსაზღვრა წარმოადგენდა.

მხარეებმა განიხილეს პროექტის თითოეული კომპონენტის (Work Package) ფარგლებში მიმდინარე წელს განხორციელებული სამუშაო, დასახულ იქნა სამომავლო მიზნები და განისაზღვრა მათი შესრულების ვადები. EUROCONTROL-ის წარმომადგენლების მიერ დადებითად შეფასდა სამოქალაქო ავიაციის სააგენტოს მიერ სააერნაოსნო მომსახურების ზედამხედველობის კუთხით ICAO-ს აუდიტზე მიღწეული შედეგები, რომლის მიხედვითაც, წინასწარი მონაცემებით საქართველოს მაჩვენებელი ამ მიმართულებით 59.88%-დან 96.51%-მდე გაიზარდა. შეხვედრის მონაწილეებმა აგრეთვე იმსჯელეს ევროკავშირის რეგულაციების ტრანსპოზიციასთან დაკავშირებულ გამოწვევებზე და საჰაერო მოძრაობის მართვის და ორგანიზების კუთხით EUROCONTROL-ში მიმდინარე სიახლეების დანერგვაზე.

უწყებებს შორის გამართული მოლაპარაკებების შედეგად, მიღებულ იქნა გადაწყვეტილება პროექტის შემდგომი გახანგრძლივების შესახებ. შეთანხმების განახლება 2019 წლის განმავლობაში იგეგმება და მის თანახმად, EUROCONTROL-ი ქართულ მხარეს დახმარებას გაუწევს:

  • სააენაოსნო მომსახურების საწარმოს ევროპული სტანდარტებით სერტიფიცირებაში;
  • საჰაერო სივრცის ორგანიზებასთან დაკავშირებულ ევრორეგულაციების დანერგვაში;
  • სავიაციო მიზნებისათვის განკუთვნილი გეოდეზიური სამუშოების შესრულების ახალი სტანდარტების შემუშავებაში.

„საქართველოს სამოქალაქო ავიაციის სააგენტოს ხელშეწყობის შესახებ“ EUROCONTROL-ის პროექტი 2011 წელს დაიწყო. ორგანიზაციამ მნიშვნელოვანი დახმარება გაუწია ქართულ მხარეს სააერნაოსნო მომსახურების ზედამხედველობის ეროვნული ორგანოსთვის დელეგირებული საერთაშორისო ვალდებულებების ეფექტურ და სრულფასოვან დანერგვაში, სპეციალისტების შესაბამის მომზადებასა და მათი კვალიფიკაციის ამაღლებაში.

 

« Back

ამინდი თბილისში

© 2011, GCAA - საქართველოს სამოქალაქო ავიაციის სააგენტო